રવિ ઉપાધ્યાય – સર્જકતાનો ખજાનો

રવિ ઉપાધ્યાયે ગુજરાતી સાહિત્ય, કલા અને સાંસ્કૃતિક ક્ષેત્રે કરેલાં માતબર પ્રદાનને અવગત કરાવતો બ્લોગ

Archive for the ‘…ગઝલ’ Category

નથી શકતો

Posted by Dr Jagdip Upadhyaya on મે 7, 2008

થી તો

 

હ્રદયની વાત છાની, હોઠ પર લાવી નથી શકતો,

તમોને ચાહું છું, હકીકત હું છૂપાવી નથી શકતો.

 

મળ્યાંતાં આપણે બન્ને, હશે એ સત્ય કે સપનું

વિરહ દુ:ખે મિલનની માવજત, માણી નથી શકતો.

 

મજા મીઠી મહોબ્બતની ચખાડી તું ગઇ ચાલી

અદાઓની પડી આદત, હું ભૂલાવી નથી શકતો.

 

વફા પર બેવફાઇની જફાના જામ તેં પાયા…

ઝહરના રુપમાં અમરત, હું પીવડાવી નથી શકતો.

 

જીવનભર જાણી માણી છે, તમારા પ્રેમની મસ્તિ

છતાં તુજ દિલની દાનત, હજી જાણી નથી શકતો.

 

અમે જોયોતો ઠસ્સો રુપનો, જૂસ્સો જૂવાનીનો

છે કમજોરી કે એક્કે ખાસિયત જાણી નથી શકતો.

 

બન્યો તુજ પાપ ધોવાને હું પશ્ચાતાપની ગંગા

હવે કાશી જઇ કરવત, હું મૂકાવી નથી શકતો.

 

બનાવ્યો શાહજહાંએ તાજ, અમર-મુમતાઝે-મ્હોબ્બતનો

છે એ અફસોસ, ઇમારત હું બંધાવી નથી શકતો.

 

 

શબ્દરચના : રવિ ઉપાધ્યાય – રવિ

Posted in ...ગઝલ | 1 Comment »

વિરહમાં……

Posted by Dr Jagdip Upadhyaya on એપ્રિલ 14, 2008

વિમાં……

 

વિરહમાં પ્રેમીજનની યાદનો આધાર કાફી છે

સજાવી, જીવવું સ્વપ્ને, સનમ સાકાર કાફી છે ! 

મિલનની એ પળો મીઠી, વિરહમાં યાદ આવે છે

હ્રદયનાં અશ્રુને ત્યારે, નયન-સહકાર કાફી છે ! 

મધુરી રાતની વાતો, અધુરી પ્રેમ-ગોષ્ઠિઓ-

હકીકતમાં નથી જ્યારે, સૂના ભણકાર કાફી છે ! 

નથી પાયલ તણો ઝણકો, ન પ્રીતિ-બીનનો રણકો

બસૂરી બંદિશે બાજી રહેલાં તાર કાફી છે ! 

પડ્યું જે ભાવિને ભીતર મિલન, તેની ખબર કૈં ના !

છતાં તમ આગમનનો એક અણસાર કાફી છે ! 

વિરહ ગીતો હું અશ્રુ-શાહી લૈ ને બેસતો લખવા

ન સૂઝે કૈં છતાં, તમ નામનો ઉચ્ચાર કાફી છે ! 

મનાવ્યું માનતું ના, આ તૂટી પડતું હ્રદય જ્યારે !

થશે કોઇ દિ મિલન ! એ ઇશ્વરી-નિરધાર કાફી છે !

રચયિતા : રવિ ઉપાધ્યાય (24/5/1963)

Posted in ...ગઝલ | Leave a Comment »

જુદો રહું છું જગતથી

Posted by Dr Jagdip Upadhyaya on ઓગસ્ટ 5, 2007

જુદો રહું છું જગતથી

જુદો રહું છું જગતથી હું છતાં જૂદાઇ ના લાગે !
બુરૂં કરનારના હૈયા ઢૂંઢૂ, બુરાઇ ના ભાસે !

બને સંજોગનો જે ભોગ, તેમાં દોષ કોનો છે ?
જીવનયુધ્ધે લડે તોયે, રણશિંગુ ના વાગે !

ખીલે લાખો ફૂલો નિત્યે, જૂદાં કિસ્મત, જૂદાં અરમાં
કોઇ સોહે પ્રભુ શીરે, કોઇ કરમાઇ જતાં લાગે !

મથું, લઇ મોત મૂઠ્ઠીમાં, મહાસાગરમાં મરજીવા
મળે મોતની સાટે મોત તો અધીરાઇ ના જાગે !

બની ભવસાગરે સદગુણભર્યુ હેતું તણો સેતુ,
‘રવિ’ ઝૂલાવતો જગને, છતાં પંકાઇ ના રાચે

* કવિ: ‘રવિ’ ઉપાધ્યાય

Posted in ...ગઝલ | 1 Comment »

હૈયાને નથી ….

Posted by Dr Jagdip Upadhyaya on જૂન 8, 2007

હૈયાને થી ….
હૈયાને નથી હોઠના કથનનો ભરોસો
પગને નથી પાયલના નર્તનનો ભરોસો

જોવું નથી ને જે દ્ર્શ્ય તે જોવું જો પડે છે
પાંપણ બીડાઇ જાય, ના નયનનો ભરોસો
બદલે છે અહીં રંગ ઋતુઓ બેઋતુમાં
વર્ષા, ન તાપ વીજ કે પવનનો ભરોસો…

કહે છે, જહાંનો મ્હેલ રચાયો યકીન પર
ખંડન થઇ રહ્યું છે, ના સર્જનનો ભરોસો..

રહેંસી રહ્યો છે આજ ગળું ભાઇ-ભાઈનુ
ના યાદવોના સર્વ નિકંદનનો ભરોસો…

કળીયુગનો આ આદમી ભૂલી ગયો નીતિ
એને રહ્યો ના મૃત્યુ કે જીવનનો ભરોસો…

ચૂકે છે ધર્મ, કર્મ ને મૂકે શરમ સહુ ‘રવિ’!
માનવને ના માનવનો કે ભગવાનનો ભરોસો…

શબ્દરચના : રવિ ઉપાધ્યાય, સંગીત : પ્રકાશ ઉપાધ્યાય

Posted in ...ગઝલ | 1 Comment »

ભણેલાઓ ભૂલે ને…..

Posted by Dr Jagdip Upadhyaya on મે 31, 2007

ણેલા ભૂલે ને.....

ભણેલાઓ ભૂલે ને તારાઓ ડૂબે,
ત્યાં લેવો પડે કોઇ ગેબી સહારો.
પરિચિત પરાયાં બને ત્યારે લાગે,
કેવો હતો એ ગેબી સહારો….

મને મારાં હૈયાની તાકાત ખબર છે.
ખબર કેવું કોમળ ને કેવું સખત છે.
એ ખાશે ઉઝરડા ભલે કંટકોના ,
પરંતુ ચહેશે ગુલાબી સહારો…
ગગનની પિછોડી ટૂંકી થઇ કફનમાં,
ત્યાં શોધ્યો તમારા પ્રણયનો મેં પાલવ.
કિનારીથી ઢાંકો જો લજ્જા અમારી
તો માનીશ, મળ્યો કિનખાબી સહારો…
મને મારું કિસ્મત ભલે જાય દોરી,
ગમે ત્યાં, છતાં ના મને એની પરવા
ઘડીભર તમે આંગળી ઝાલી દોરો
તો માનીશ, મળ્યો છે નવાબી સહારો….
વિધાતાને પૂછું શું ભૂલી ગઇ તું ?
કે લખતાં ખૂટી શ્યાહી તારી કલમથી.
રહ્યો’તો ‘રવિ’ ઝંખતો મૃત્યુ સુધી,
જીવનભર ન પામ્યો એ ખ્વાબી સહારો….

શબ્દરચના : રવિ ઉપાધ્યાય, સંગીત : પ્રકાશ ઉપાધ્યાય

Posted in ...ગઝલ | 2 Comments »

સંબંધતો પ્રેમનો થવા …

Posted by Dr Jagdip Upadhyaya on મે 28, 2007

સંબંધ તો પ્રેમનો થવા કવિ – રવિ ઉપાધ્યાય  ૢ ગાયક અને સંગીતકાર – પ્રકાશ ઉપાધ્યાયૢ પ્રસ્તાવના – ડો. જગદીપ ઉપાધ્યાય

સંબંધ તો પ્રેમનો થવા

મનુષ્ય જેવો જન્મ મળતાં મા-બાપ, ભાઇ-બહેન, દાદા-દાદી, નાના-નાની, કાકા-માસી-ફોઇ ઇત્યાદિ સાથે આપણે લોહીના સંબંધથી હંમેશ માટે બંધાતા હોઇએ છીએ, આગળ જતાં શિક્ષણ, રહેઠાણ, ધંધો-વ્યવસાય જેવાં બીજા અનેક કારણોથી આપણે બીજા અનેક સંબંધોથી સંધાતા હોઇએ છીએ. આ સંધાયેલા સંબંધોતો અદલાય પણ, બદલાય પણ, પળભરમાં નંદવાય પણ, પરાણે નભાવાય પણ, હોંશેહોંશે સચવાય પણ,…,આ સંબંધો સાચા પણ હોય ને જૂઠાં પણ હોય. કહેવાય છે કે સાચો સંબંધ સાચવવો પડતો નથી અને જે સાચવવો પડે એ સંબંધ સાચો હોતો નથી.

સબસે ઉંચી પ્રેમ સગાઇ….” પ્રેમનો સંબંધ…..એ તો ભાગ્યમાં કોઇ યોગ હોય ત્યારે જ એના સર્જાવાનાં સંજોગ પણ સર્જાય. પણ આ પ્રેમ એટલે શું?.

મરાઠી કવિ મંગેશ પાડગાંવકરના મતે

પ્રેમ એટલે પ્રેમ એટલે પ્રેમ હોય છે.

આપણા સહુંનું સરખું : બસ એમ જ હોય છે…..”

અર્થાત આ પ્રેમ ક્દી કોઇ વ્યાખ્યામાં બંધાતો નથી, એ તો યોગ અને સંજોગને સંબંધે વીંટળાઇ આપોઆપ ઉદભવે છે. આ પ્રેમ પણ કોઇ સંબંધના હાંશીયામાં કેદ થઇને બેઠો હોય ત્યારે એ શોભે પણ. પ્રેમ એટ્લે મિલન…. અને આ મિલનની મઝા ઝૂરવામાં છેઅને એની કિંમત પણ આપણે જ્યારે રામ-સીતાનાં વિરહ-વિયોગને સમજીએ ત્યારે તો સમજાય.

જપ, તપ, તીરથ, સાધના વગેરે કષ્ટ ભોગવ્યાં વિના અને યોગ જાગ્યાં વિનાં ફળતાં નથી. યોગ જાગ્યો ત્યારે જ , શીલા થઇ મારગમાં પડી કષ્ટ સહેનાર અહલ્યાને શ્રીરામનો ચરણસ્પર્શ થયો અને પુન: માનવ દેહ પ્રાપ્ત થયો…..

કહેવાય છે કે માગ્યું મોત, ધાર્યુ મોત અને કુદરતી મોત મળવા નસીબ જોઇએ.ડોક્ટરોને ડેથ સર્ટીફીકેટ્માં મૃત્યુંનું એકાદું કારણ લખવું પડ્તું હોય છે. ઘણીવાર એવું બને કે લખાયેલું કારણ સત્ય હોય પણ એમાં તથ્ય ન હોય.રોગ ક્યો છે એ ખબર હોય પણ એની દવા જ ન હોય તો શું કામનું? બાકી તો જો જીવવાનું ખરેખર લખાયેલું જ હોય તો હનુમાન જેવો આપણો સેવક-સંબંધી ક્યાયથીએ આવી ટ્પકી પડે અને જરૂર પડ્યે દવા માટે આખે આખો પહાડ ઉંચકી આવે.

તને કોણે કહ્યું કે મરણની બાદ મુક્તિ છે? રહે છે કેદ એની એ, ફકત દિવાલ બદ્લાય છે.

આ લોકનાં સર્વ બંધન છોડી મનુષ્ય પરલોક સિધાવે છે ત્યારે ત્યાં જઇને એણે એનાં આત્માને પરમાત્મમાં, એનાં જીવને શીવમાં અને પીંડને બ્રહ્માંડમાં ભેળવી નવા સંબંધની શરૂઆત કરવાની હોય છે. પ્રેમના સંબંધની ફિલસૂફી જ્યારે અને જે ઘડીએ સમજાશે તે ઘડીએ જ આપણાં આ મનસરોવરનું સાચાં અર્થમાં માનસરોવરમાં રૂપાંતર થયેલ છે એમ માની શકાય.

સંબંતો પ્રેનો વા

સંબંધ તો પ્રેમનો થવા સંજોગ જોઇએ

,
સાચું પૂછો તો ભાગ્યમાં કોઇ યોગ જોઇએ!


એમ સમજાશે નહીં કિંમત શી મિલનની,


રામ-સીતાના જેવો વિરહ ને વિયોગ જોઇએ!


કષ્ટ વિના સાધના ફળતી નથી કદી

,
શીલાની અહલ્યા થવાં કોઇ સંયોગ જોઇએ!


કર્મનાં કાજળ ન ગંગાજળથી ધોવાતાં

,
જીવનમાં સત્યનાં સદા પ્રયોગ જોઇએ!

યુધ્ધમાં તલવાર તો કોઇની સગી નથી
મિત્ર યા શત્રુ સહુનો ભોગ જોઇએ!

પામવાં મૃત્યુ ‘રવિ’ આખરમાં કુદરતી,

જેની દવા મળે નહીં એ રોગ જોઇએ!

શબ્દરચના : રવિ ઉપાધ્યાય, સંગીત અને ગાયક : પ્રકાશ ઉપાધ્યાય

Posted in ...ગઝલ | 1 Comment »

નિષ્કામ દિલે કર કામ સદા

Posted by Dr Jagdip Upadhyaya on મે 28, 2007

નિષ્કા દિલે કા દા

નિષ્કામ દિલે કર કામ સદા, વિવાદ જગતને કરવા દે…
ભૂલી તારા સદગુણ ને અવગુણ યાદ જગતને કરવા દે…
તું માનવ થૈ ને માનવતાનો મંત્ર સહુને દેતો જા,
તારા વાજીંતરના સૂરનો રસસ્વાદ જગતને કરવા દે..
મનના મ્હાસાગરનાં મોતીની માળા તું સહુને દેજે,
એના બદલામાં પથ્થરનો વરસાદ જગતને કરવા દે..
જગની ઉન્નત ઇમારતનો મૂંગો પથ્થર એકાદ થજે,
અન્યાય મળે તું ને તોયે ફરીયાદ જગતને કરવા દે..
જનતા જ્યારે નિર્જનતામાં ઝંખે વાણીની સરવાણી,
તારા ઉરના સંવાદ ‘રવિ’ અનુવાદ જગતને કરવા દે..

શબ્દરચના : રવિ ઉપાધ્યાય, સંગીત અને ગાયક : પ્રકાશ ઉપાધ્યાય

Posted in ...ગઝલ | Leave a Comment »

હો સફ્ળતામાં સબૂરી

Posted by Dr Jagdip Upadhyaya on મે 21, 2007

હો તામાં બૂરી...

હો સફળતામાં સબૂરી, સાધના અધૂરી ન હો !
થાય કે ના થાય સારું, ભાવના બૂરી ન હો…!
જીન્દગીના લાખ ઝંઝાવાતના આઘાત શા !
હિંમતે મરદા થવામાં લેશ, મજબૂરી ન હો.. !
હરકાર્યમાં એવી લગન હો, જે ટકે આખર સુધી
અંત પહેલાં શ્રાંત ને, આરંભમાંજ શૂરી ન હો.. !
જન્મથી મૃત્યુ લગી લાંબી સફર એ જીન્દગી !
ખ્યાલો મહીં ખોવાય એ હકીકતની મગરૂરી ન હો.. !
રંગ બદલે માનવી કૈં કૈં જમાના સંગમાં !
નિર્લેપ હો જળકમળવત, કો’ અસર આસૂરી ન હો… !
હર પતનમાં હો ઉન્નતિ, પ્રસ્થાન પીછેહઠ મહીં
સોપાન સતનું એક બસ, મંજીલ ભલે પૂરી ન હો… !
સત્કર્મનાં બી વાવજે, છો ને મળે ફળ અન્યને
પ્રારબ્ધથી કો’ નહીં લૂંટે, પ્રભુની જો મંજૂરી ન હો… !
સ્નેહી મટીને સ્વજન, દુ:શ્મન થાય તો યે શું ‘રવિ’ !
હર વૃક્ષમાં ચંદન નથી, હર મૃગમાં કસ્તૂરી ન હો … !

શબ્દરચના : રવિ ઉપાધ્યાય, સંગીત અને ગાયક: પ્રકાશ ઉપાધ્યાય

Posted in ...ગઝલ | 1 Comment »

જીવનનો રાહ

Posted by Dr Jagdip Upadhyaya on મે 20, 2007

જીવનનો રાહ……., શબ્દરચના : રવિ ઉપાધ્યાય, સંગીતકાર અને ગાયક : પ્રકાશ ઉપાધ્યાય

પ્રસ્તાવના માટે અહીં ક્લિક કરો, ( ઓડીયો)

પ્રવક્તા : ડો જગદીપ ઉપાધ્યાય

Jeevan no raah tu….  

************************************

++++++++++++++++++++++++++++++

જીનો રાહ ….

જીવનનો રાહ તું સદા સુરેખ રાખજે,
સ્પર્શે ન કોઇ ડાઘ, દેખરેખ રાખજે.
વિચલિત ના થવાય સત્ય પંથથી કદી,
નજરો સમક્ષ કર્મનો આલેખ રાખજે.
ચંચળ સદા કહી છે આ માનવ મનોદશા,
સ્થિરતાનાં મન-કિતાબમાં ઉલ્લેખ રાખજે.
સ્વાર્પણનો બોધપાઠ તું સદાય શીખજે,
સૂરજ-શશીની ટેક મીનમેખ રાખજે .
જગની મલીનતા અને ખારાશ પી જજે,
સાગર બનીને સેવાનો તું ભેખ રાખજે.
આ જન્મ બોજ ના બન્યો કોઇનો કદી “રવિ”,
મૃત્યુ પછીયે ના બને, એ વિવેક રાખજે

શબ્દરચના: રવિ ઉપાધ્યાય, સંગીતકાર અને ગાયક : પ્રકાશ ઉપાધ્યાય  

સાંભળવાં અહીં ક્લિક કરશો (ડેમો ઓડીયો રેકોર્ડીંગ ક્લીપીંગ)
http://www.esnips.com/doc/fb6ac140-ab69-4475-b680-603224b2e8ca/Jeeva-no-rah-tu-sada

Posted in ...ગઝલ | 1 Comment »

હું નથી ઇશ્વર…

Posted by Dr Jagdip Upadhyaya on એપ્રિલ 24, 2007

*********************************************  DEMO VIDEO CLIP ,

 ” હું નથી ઇશ્વર….”, શબ્દરચના : રવિ ઉપાધ્યાય, સંગીત : પ્રકાશ ઉપાધ્યાય, ગાયક : આલાપ દેસાઇ, વીડીયો મ્યુઝીક આલ્બમ : ” મંઝિલને ઢૂંઢવા…”

++++++++++++++++++++++++++++++++++++++++++++++

(ડેમો વિડિયો ક્લીપીંગ માટે પીક્ચર પર ડ્બલ ક્લીક કરશો )

હું થી શ્વર….

હું નથી ઇશ્વર, નવું સર્જન કરું

માનવી છું, શેં પરિવર્તન કરું !

શક્યતાઓ પણ બને છે પહાડ જ્યાં,

હું નથી શ્રી કૃષ્ણ કે ગોવર્ધન વહું !

ચીર પાંચાળીનાં ના પૂરી શકું,

લોક્ની નજરે તો હું દુર્યોધન ઠરું !

કામ ના લાગ્યો નર્યો પુરુષાર્થ ત્યાં,

લેશ ના પ્રારબ્ધનું દર્શન થયું !

ના થયો ઠરી ઠામ હું કોઇ જ’ગા

ધ્યેય વિના હું સતત ભ્રમણ કરું !

જીદગીથી દૂર ભાગ્યો છું ‘રવિ’,

મ્રુત્યુની સામે હું આકર્ષણ બનું !

શબ્દરચના : રવિ ઉપાધ્યાય, સંગીત : પ્રકાશ ઉપાધ્યાય, ગાયક : લા દેસા
ઓડીયો વીડીયો મ્યુઝિક આલ્બમ : ‘ મંઝિલને ઢૂંઢવા…”
વીડીયો ડેમો ક્લિપ લીંક http://www.youtube.com/watch?v=lA4LLB8aQmg

Posted in ...ગઝલ, મંઝિલને ઢૂંઢવા..(audio/ video, Manzilne..Audio/video Music album | 1 Comment »

મને માંગવામાં

Posted by Dr Jagdip Upadhyaya on એપ્રિલ 22, 2007

++++++++++++++++++++++++++++++++++++++++++++++++++++++++++++++
” મને માંગવામાં યુગો યુગ વીત્યાં છે…..” ગાયિકા : હેમાંગિની દેસાઇ, શબ્દરચના : રવિ ઉપાધ્યાય, સંગીત: પ્રકાશ ઉપાધ્યાય , મલ્ટીમિડીયા પરિકલપ્ના અને રચયિતા : ડો. જગદીપ ઉપાધ્યાય, મ્યુઝિક આલ્બમ : ” મંઝિલને ઢૂંઢવા…”++++++++++++++++++++++++++++++++++++++++++++++++++++++++

ને માંવામાં

 

મને માંગવામાં યુગોયુગ વીત્યાં છે,

તમે દઇ દીધું માત્ર એક જ ઘડીમાં !!

મને મ્હેલ-મુકામ ઓછાં પડ્યાં છે,

સમાયાં તમે સાંકડી ઝૂંપડીમાં !!

ધરાઉં ન હું થાળ-પકવાન ખાતાં,

તમે તૃપ્ત છો તુલસી પાંદડીમાં !!

રૂદનને મને રોકતાં આવડ્યું ના,

વહાવ્યું તમે હાસ્ય વષાઁ-ઝડીમાં !!

ભગીરથ બની તપ કરી ના શક્યો હું,

વહયાં છો તમે થઇ ને ગંગા-ગતિમાં !!

કિતાબોમાં જીવન જડ્યું ના ‘રવિ’ને

તમે શોધ્યું મૃત્યુની બારાખડીમાં !!

શબ્દરચના : રવિ ઉપાધ્યાય, સંગીતકાર: પ્રકાશ ઉપાધ્યાય, ગાયિકા : હેમાંગિની દેસાઇ,

ઓડીયો-વીડીયો મ્યુઝીક આલ્બમ : ” મંઝિલને ઢૂંઢવા…”

Posted in ...ગઝલ, મંઝિલને ઢૂંઢવા..(audio/ video, Manzilne..Audio/video Music album | Leave a Comment »

જીવનની સાંજ છે ઢળી રહી

Posted by Dr Jagdip Upadhyaya on એપ્રિલ 21, 2007

” જીવનની સાંજ ઢળી રહી…….” પ્રસ્તાવના : ડો. જગદીપ ઉપાધ્યાય,
+++++++++++++++++++++++++++++++++++++++++++++++++++++++
” જીવનની સાંજ ઢળી રહી…….” ડેમો વીડીયો ક્લીપીંગ, ગાયક : પુરુષોત્તમ ઉપાધ્યાય, શબ્દરચના : રવિ ઉપાધ્યાય, સંગીત : પ્રકાશ ઉપાધ્યાય, મલ્ટીમીડીયા પરિકલ્પના અને રચયિતા : ડો. જગદીપ ઉપાધ્યાય,

**********************************************************************

( ડેમો વિડિયો ક્લીપીંગ માટે પીક્ચર પર ડ્બલ ક્લીક કરશો )

જીની સાં છે ળી હી

જીવનની સાંજ છે ઢળી રહી ધીરે ધીરે!
મૃત્યુની “આજ” આવતી દીસે ધીરે ધીરે!

મારી આ દશા પર દયા ના લાવશો સ્વજન!
મારાંથી વાઝ્ ખૂદ હું આવું ધીરે ધીરે!

બેસો, હે મિત્રો! સાંભળો મારી દુ:ખી કથા!
અંતરનો આ અવાજ આવતો ધીરે ધીરે!

ગુસ્સો તમારાં દોષ પર ના થાય એટલે
બદલ્યો મિજાજ મેં જૂઓ કેવો ધીરે ધીરે!

સંબંધની તિરાડ સાંધવી નથી સહેલ!
જ્ખ્મોનો રાઝ પામતો ‘રવિ’ ધીરે ધીરે!

શબ્દરચના: રવિ ઉપાધ્યાય, સંગીતકાર : પ્રકાશ ઉપાધ્યાય, ગાયક : પુરુષોત્ત્ત પાધ્યા

મયુઝિક – ઓડીયો વીડીયો આલ્બમ: મંઝિલને ઢૂંઢવા….

ડેમો વીડીયો લીંક: http://www.youtube.com/watch?v=L8Bp2k2i2r8

Posted in ...ગઝલ, મંઝિલને ઢૂંઢવા..(audio/ video, Manzilne..Audio/video Music album | Leave a Comment »

મંઝિલને ઢૂંઢવા..

Posted by Dr Jagdip Upadhyaya on એપ્રિલ 17, 2007

” મંઝિલને ઢૂંઢવા…….” (ગઝલ) પ્રસ્તાવના : ડો. જગદીપ ઉપાધ્યાય,(મ્યુઝિક આલ્બમ ” મંઝિલને ઢૂંઢવા….”)
+++++++++++++++++++++++++++++++++++++++++++++++++++++++++++
”મંઝિલને ઢૂંઢવા…….” ડેમો વીડીયો ક્લીપીંગ, ગાયક : પ્રકાશ ઉપાધ્યાય, શબ્દરચના : રવિ ઉપાધ્યાય, સંગીત : પ્રકાશ ઉપાધ્યાય, મલ્ટીમીડીયા પરિકલ્પના અને રચયિતા : ડો. જગદીપ ઉપાધ્યાય,(મ્યુઝિક આલ્બમ ” મંઝિલને ઢૂંઢવા….”)
+++++++++++++++++++++++++++++++++++++++++++++++++++++++

( ડેમો વિડિયો ક્લીપીંગ માટે પીક્ચર પર ડ્બલ ક્લીક કરશો )

મંઝિને ઢૂંવા ….

મંઝિલને ઢૂંઢવા દિશા કપરી જવું પડે,

છોડી જૂનું વતન નવી નગરી જવું પડે.

યુગોથી મીંટ માંડવી તપ એનું નામ છે,

શ્રીરામને જમાડવાં શબરી થવું પડે.

દર્શન પ્રભુનાં પામવાં ક્પરી કસોટી છે,

અર્જુનનાં રથના ચક્ર્ની ધરી થવું પડે.

બદલાની અપેક્ષા વિનાં સત્કર્મ જો ક્રરો ,

પત્થરનાં દેવને ક્દી પ્રગટી જવું પડે.

પાણી થવાંને કેટલું પાણી સહન કરે,

વાદળ બનીને વીજથી સળગી જવું પડે.

સન્માન કેવું પામશો મૃત્યુ પછી ‘રવિ’

જોવાં તમાશો એક્વાર ગુજરી જવું પડે….

શબ્દરચના : રવિ ઉપાધ્યાય ‘રવિ’

ગાયક અને સંગીતકાર : પ્રકાશ ઉપાધ્યાય

મ્યુઝિક ઓડીયો / વીડીયો આલ્બમ : “મંઝિલને ઢૂંઢવા…”

http://www.youtube.com/watch?v=o2tXVOM1nyU

Posted in ...ગઝલ, મંઝિલને ઢૂંઢવા..(audio/ video, Manzilne..Audio/video Music album | Leave a Comment »

હ્તી રાત થોડી અને

Posted by Dr Jagdip Upadhyaya on એપ્રિલ 7, 2007

“હતી રાત થોડી……” પ્રસ્તાવના, ડો. જગદીપ ઉપાધ્યાય
++++++++++++++++++++++++++++++++++++++++++++++++++++++++++++
” હતી રાત થોડી…….” ડેમો વીડીયો ક્લીપીંગ, ગાયક : આશિત દેસાઇ, શબ્દરચના : રવિ ઉપાધ્યાય, સંગીત : પ્રકાશ ઉપાધ્યાય, મલ્ટીમીડીયા પરિકલ્પના અને રચયિતા : ડો. જગદીપ ઉપાધ્યાય,

*********************************************************************

ડેમો વિડિયો ક્લીપીંગ માટે પીક્ચર પર ડ્બલ ક્લીક કરશો

તી રા થોડી ને…

હતી રાત થોડી અને વેશ ઝાઝાં,
ત્યાં કરવી પડી એ સ્થિતિમાં ઉતાવળ;
ભૂલેલાં જૂઠાં રાહથી પાછો વળવાં,
હું લાવ્યો ‘તો મારી ગતિમાં ઉતાવળ…

જીવનભરનાં ગુન્હાં કબૂલીને જેમાં,

લખ્યોતો તને પત્ર મેં ખૂબ લાંબો;
ઘડી અંતની આવી ગઇ ને થઇ છે,
લિખિતંગની છેલ્લી લીટીમાં ઉતાવળ…
 
ન સીતાહરણ થાત, ના થાત મૃત્યુ
લંકાપતીનું, શ્રીરાઘવનાં હાથે;
કાંચનનો મૃગ જોઇ મોહી જવામાં
જો થાતી નાં સીતા સતીમાં ઉતાવળ…

મજા મસ્ત મહેફીલની માણવાંને ,
નિમંત્ર્યા’તા મિત્રો મેં વીણી વીણીને;
નિહાળીને વર્તન હું પસ્તાઇ બેઠો,
થતું, મેં કરી દોસ્તીમાં ઉતાવળ…

હજું જીવવુંને જીરવવું’તું બાકી,
હજું કાવ્યનાં ખૂબ કરવાં’તા સર્જન;
પરંતું ‘રવિ’ની જરુરત પ્રભુને,
જે કીધી મરણની તિથિમાં ઉતાવળ….
શબ્દ રચના: રવિ ઉપાધ્યાય, ગાયક : આશિત દેસાઇ, સંગીત : પ્રકાશ ઉપાધ્યાય, ઓડીયો/વીડીયો સીડી ” મંઝિલને ઢૂંઢવા…”

http://www.youtube.com/watch?v=rJ5fvf9uwFE

Posted in ...ગઝલ, મંઝિલને ઢૂંઢવા..(audio/ video, Manzilne..Audio/video Music album | 1 Comment »

સમસ્યાના સાગર

Posted by Dr Jagdip Upadhyaya on એપ્રિલ 6, 2007

સમસ્યાના સાગર ….. પ્રસ્તાવના, ડો જગદીપ ઉપાધ્યાય
+++++++++++++++++++++++++++++++++++++++++++++++++++++++++++++
 ” સમસ્યાના સાગર…….” – ગઝલ, ડેમો વીડીયો ક્લીપીંગ, ગાયિકા: રેખા ત્રિવેદી, શબ્દરચના: રવિ ઉપાધ્યાય, સંગીત: પ્રકાશ ઉપાધ્યાય, મલ્ટીમીડીયા : પરિકલ્પના અને રચયિતા: ડો. જગદીપ ઉપાધ્યાય
***************************************************************
  સસ્યાના સા

સમસ્યાના સાગર તરી જાણજે

મળ્યું છે જીવન તો જીવી જાણજે.

પરીક્ષા પ્રભુનેય દેવી પડે…..

થઇ અગ્નિમાં કંચન, તપી જાણજે…

ફુલોથી ઘણું શીખવાનું મળે

પીસાઇનેતું અત્તર બની જાણજે…

તફાવત તું સારાં બૂરાનો સમજ,

દીવાદાંડી જગની , બની જાણજે..

વિધાતાનો કેવો આ ઉપહાર છે.

તું બુધ્ધિની લ્હાણી કરી જાણજે.

પ્રલોભનથી રહીને નિરાળો ‘રવિ’ !

જીવન તો છે ઠીક, પણ મરી જાણજે.

કવિ: રવિ ઉપાધ્યાય, ગાયિકા: રેખા ત્રિવેદી, સંગીતકાર: પ્રકાશ ઉપાધ્યાય. ઓડીયો- વીડીયો સી.ડી. “મંઝિલને ઢૂંઢવા…”

Posted in ...ગઝલ, મંઝિલને ઢૂંઢવા..(audio/ video, Manzilne..Audio/video Music album | Leave a Comment »

 
%d bloggers like this: