Posted by Dr Jagdip Upadhyaya on March 7, 2008
હે પિતા…. ! હે પ્રાણ…. !
હે પિતા…. ! હે પ્રાણ…. !
હે પિતા…. ! હે પ્રાણ…. !
નમન કરી સહુ જનગણ યાચે કરો વિશ્વકલ્યાણ
હે પિતા…. ! હે પ્રાણ…. !
ક્ષીર સાગરના મંથન વેળા વિષનાં પાન પીધાં
દેવોનાં સહું દુ:ખડાં ટાળી અમૃતદાન દીધાં !
કામદેવને કર્યો ભસ્મ, ત્રિલોચન કેરે બાણ !
હે પિતા …. હે પ્રાણ …. !
મુનિ માર્કંડ અખંડ કરી તપ, શરણ તમારે આવ્યો,
નાશ કર્યો યમ પાશ પ્રભુએ, મુનિવર અમર બનાવ્યો,
ભક્તોને વાંછેત વર દેતા, નિરાકાર ! નિર્માણ !
હે પિતા …. હે પ્રાણ ….. !
દસ આનન રાવણ રાજાએ હવન મહીં શિર હોમ્યાં,
બ્રહ્મ ભક્તિનાં પ્રીતે પુષ્પો તારે કંઠ પરોવ્યાં,
જગ સમ્રાટ વિરાટ બનાવ્યો, દૈ ને તેં વરદાન !
હે પિતા …… હે પ્રાણ ……. !
હે પિતા …… હે પ્રાણ ……. !
હે પિતા …… હે પ્રાણ ……. !
શબ્દરચના અને સંગીતકાર : રવિ ઉપાધ્યાય, ‘રવિ’
Posted in ગીત/સ્તોત્ર-શંકર | Leave a Comment »
Posted by Dr Jagdip Upadhyaya on March 7, 2008
શંકર – સ્તુતિ
વંદન હો…….!.
વંદન હો તને લાખ લાખ વિશ્વદેવતા.
નમન કરી નિશદિન સહુ સુર, સંત સેવતા…… હે વિશ્વદેવતા – વંદન હો . 1
આદિ તું હે ઇશ્વર ! અનાદિ તું ઉમેશ્વર !
મૃત્યુંજય મહેશ્વર ! પૂરણ પરમેશ્વર !
સકળ વિશ્વતણાં હરો પાપ-તાપ હે પિતા…..! હે વિશ્વદેવતા – વંદન હો . 2
ખાંધ પરે લઇ ઝોળી, અંગ અંગ ભભૂત ચોળી !
ભમે સંગ ભૂત- ટોળી, ડમરુ ડમડમ વીંઝોળી !
રમે રાસ તાંડવ, ૐકાર પ્રણેતા…… હે વિશ્વદેવતા – વંદન હો . 3
ગંગાધર ગિરિજાપતિ તારી સફળ અકળ ગતિ
નીલકંઠ નિખિલ જતિ, આપ અખિલ અભય અતિ
મહેષ, હે રસેષ ! ભરો બધે ભદ્રતા ……. હે વિશ્વ દેવતા – વંદન હો . 4
શબ્દરચના અને સંગીત : રવિ ઉપાધ્યાય ‘ રવિ
Posted in ગીત/સ્તોત્ર-શંકર | 1 Comment »
Posted by Dr Jagdip Upadhyaya on June 24, 2007
શિવમહિમા – સ્તોત્ર
રવિ ઉપાધ્યાય અને અન્યના સ્વરમાં આ શંકરસ્તુતિ
Posted in ગીત/સ્તોત્ર-શંકર | Leave a Comment »
