તારા પ્રેમની કટારી
Posted by Dr Jagdip Upadhyaya on March 1, 2008
|
|
તારા પ્રેમની કટારી |
| તારા પ્રેમની કટારી મને વાગી હો શ્યામ
જીવનમાં જ્યોત નવી જાગી અભિરામ |
|
| સીંગલ તાલ - | સાનભાન ખોયાં મેં વેણુની તાનમાં
અંગ અંગ નાચે નટવરના ગુલતાનમાં બની અંતર અટારી બડભાગી હો કહાન જીવનમાં જ્યોત નવી જાગી અભિરામ. – તારા |
| ડબલ તાલ - | જોગ લીધો મેં તો તારા સ્નેહનો શામળીયા
પ્રીતડીમાં પરવશ થ ઇ હું રે પાતળીયા માયા જગની નઠારી મેં ત્યાગી તમામ જીવનમાં જ્યોત નવી જાગી અભિરામ – તારા |
| સીંગલ તાલ - | સોળે શણગાર તું હૈયાનો હાર તું
જળમાં કમળ શો દિવ્ય અમૃત અભિસાર તું તારી લગની અલગારી મને લાગી અવિરામ જીવનમાં જ્યોત નવી જાગી અભિરામ – તારા |
| ડબલ તાલ - | મનનાં મધુવનમાં નાચે મસ્તિ-મોર
ઘટના ગોકુળિયે ગુંજે પ્રીતગીત શોર બની ભવ ભવ હું તારી વૈરાગી નિષ્કામ જીવનમાં જ્યોત નવી જાગી અભિરામ – તારા |
| ચલણ : | જીવનજમુનાજીને તીર
ઉડે યૌવનનાં અબીર પહેરી તારાં પ્રેમલ-ચીર રાસ ખેલું બની અધીર |
|
કવિ : રવિ ઉપાધ્યાય … |
