કિસ્મતનો કરવૈયો

કિસ્મતનો કરવૈયો : કવિ અને સંગીતકાર: રવિ ઉપાધ્યાય, ગાયક : પ્રકાશ ઉપાધ્યાય…
***************************************************************

Kismat no karvayo….

પ્રસ્તાવના માટે ક્લિક કરશો, પ્રવક્તા : ડો જગદીપ ર. ઉપાધ્યાય (ઓડીયો)
***************************************************

++++++++++++++++++++++++++++++++++

કિ સ્મ ત નો - ક ર વૈ યો

દૂહો : સરજનહાર વિના નહીં ખાલી એકે ઠામ…
દિવ્યદ્રષ્ટિથી દેખતો એ તારાં સઘળાં કામ….

મેલ રે મૂરખ મન મિથ્યા વિચાર,
કિસ્મતનો કરવૈયો બેઠો રે કિરતાર!
માથે બેઠો રે કિરતાર…..

હૈયામાં હોય તારે શ્રધ્ધા ને સાચ,
આવે આપત્તિ તોયે આવે ના આંચ
વરસે વિપત્તિનાં વાદળ હજાર….
કિસ્મતાનો કરવૈયો બેઠો રે કિરતાર!
માથે બેઠો રે કિરતાર…..

તારાં કર્મોની એણે રાખી રે કિતાબ!
સત્યતણી લેખિનિથી લખતો હિસાબ!
જેવી કરણી તેવી ભરણી નિરધાર….
કિસ્મતનો કરવૈયો બેઠો રે કિરતાર….
માથે બેઠો રે કિરતાર…..

વિષનાં અમૃત એને કરવાં છે સહેલ,
ઘડી તડકો ઘડી છાયા એવા એના ખેલ!
જેવી એ દેતો તેવી પામી લે પગથાર….
કિસ્મતનો કરવૈયો બેઠો રે કિરતાર……
માથે બેઠો રે કિરતાર…….

શબ્દરચના અને સગીત્ : રવિ ઉપાધ્યાય, ગાયક : પ્રકાશ ઉપાધ્યાય