Archive for May, 2007
Posted by Dr Jagdip Upadhyaya on May 31, 2007
ભ ણે લા ઓ ભૂ લે ને . . . ..
ભણેલાઓ ભૂલે ને તારાઓ ડૂબે,
મને મારાં હૈયાની તાકાત ખબર છે.
ગગનની પિછોડી ટૂંકી થઇ કફનમાં,
મને મારું કિસ્મત ભલે જાય દોરી,
વિધાતાને પૂછું શું ભૂલી ગઇ તું ?
કે લખતાં ખૂટી શ્યાહી તારી કલમથી.
રહ્યો’તો ‘રવિ’ ઝંખતો મૃત્યુ સુધી,
જીવનભર ન પામ્યો એ ખ્વાબી સહારો….
શબ્દરચના : રવિ ઉપાધ્યાય, સંગીત : પ્રકાશ ઉપાધ્યાય
Posted in ...ગઝલ | 2 Comments »
Posted by Dr Jagdip Upadhyaya on May 30, 2007
હે… પ ર મ પુ નિ ત મા પા વ ન….. !
હે… પરમ પુનિત મા પાવન….. !
જનમ જનમથી યાચું, ટાળો મિથ્યા આવન જાવન…….
જલ જલ થલ થલ જડ ચેતન તવ, સુરભિત સ્પર્શે થતા મુદિત અવ
કણ કણ રણ રેણુ વન ઉપવન, અવિરત ઉદિત શુચિ સ્પંદિત રવ
મુક્તિ તૃષા ના છીપે અવરથી, રેલો સ્મિતના શ્રાવણ….. હે.. પરમ
સચરાચર સૌન્દર્ય ઇષ્ટ તવ વિલસે અંતરીક્ષ ધરા તલ
સાત્વિક દીપ, અલૌકિક દિપ્તિ, હરે તિમિરનાં ઘન વાદળ દલ
અમર્ત્ય-અમૃત દિયો ભૃત્યને, ભુવનેશ્વરી મનભાવન…. હે.. પરમ
શોષિત, શ્રમિત, પ્રફુલ્લિત, વિકસીત, તવ ચેતનઅર્ચિત સુરક્ષિત
નિ:સર્ગની સ્વર્ગંગ અસિમીત શ્રી ધી પ્રૌજ્જ્વલ પૂર્ણ પ્રકાશિત
મદ-મત્સર મહિષાસુર મર્દો, રોળો રૌદ્રના રાવણ….. હે .. પરમ
શબ્દરચના અને સ્વરાંકન : રવિ ઉપાધ્યાય
Posted in ગીત - અંબાભક્તિ | Leave a Comment »
Posted by Dr Jagdip Upadhyaya on May 28, 2007
સં બં ધ તો પ્રે મ નો થ વા … સંબંધ તો પ્રેમનો થવા સંજોગ જોઇએ, એમ સમજાશે નહીં કિંમત શી મિલનની, કષ્ટ વિના સાધના ફળતી નથી કદી, કર્મનાં કાજળ ન ગંગાજળથી ધોવાતાં, જીવનમાં સત્યનાં સદા પ્રયોગ જોઇએ!
યુધ્ધમાં તલવાર તો કોઇની સગી નથી
મિત્ર યા શત્રુ સહુનો ભોગ જોઇએ! પામવાં મૃત્યુ ‘રવિ’ આખરમાં કુદરતી, જેની દવા મળે નહીં એ રોગ જોઇએ! શબ્દરચના : રવિ ઉપાધ્યાય, સંગીત અને ગાયક : પ્રકાશ ઉપાધ્યાય
Posted in ...ગઝલ | 1 Comment »
Posted by Dr Jagdip Upadhyaya on May 28, 2007
ન ભ થી ઝ રમ ર મે હ ઝ રે
નભથી ઝરમર મેહ ઝરે એકથી ભીંજાય દેહ મારો… ને શીતળ વાયુ સાજે બાજે રીમઝીમ રાગની ધૂન ગોરાં ગોરાં ફોરાં વાગે, અંગ કરે થથરાટ મેહની પીડા શીતળ લાગે પળભરમાં વિસરાય ગીત તથા સંગીત : રવિ ઉપાધ્યાય
Posted in ગીત - પ્રણય ગીત | Leave a Comment »
Posted by Dr Jagdip Upadhyaya on May 28, 2007
નિ ષ્કા મ દિ લે ક ર કા મ સ દા
નિષ્કામ દિલે કર કામ સદા, વિવાદ જગતને કરવા દે… તું માનવ થૈ ને માનવતાનો મંત્ર સહુને દેતો જા, મનના મ્હાસાગરનાં મોતીની માળા તું સહુને દેજે, જગની ઉન્નત ઇમારતનો મૂંગો પથ્થર એકાદ થજે, જનતા જ્યારે નિર્જનતામાં ઝંખે વાણીની સરવાણી, શબ્દરચના : રવિ ઉપાધ્યાય, સંગીત અને ગાયક : પ્રકાશ ઉપાધ્યાય
Posted in ...ગઝલ | Leave a Comment »
Posted by Dr Jagdip Upadhyaya on May 28, 2007
હે … પ ર મ પુ નિ ત મા પા વ ન
હે… પરમ પુનિત મા પાવન….. ! જલ જલ થલ થલ જડ ચેતન તવ, સુરભિત સ્પર્શે થતા મુદિત અવ કણ કણ રણ રેણુ વન ઉપવન, અવિરત ઉદિત શુચિ સ્પંદિત રવ સચરાચર સૌન્દર્ય ઇષ્ટ તવ વિલસે અંતરીક્ષ ધરા તલ શોષિત, શ્રમિત, પ્રફુલ્લિત, વિકસીત, તવ ચેતનઅર્ચિત સુરક્ષિત નિ:સર્ગની સ્વર્ગંગ અસિમીત શ્રી ધી પ્રૌજ્જ્વલ પૂર્ણ પ્રકાશિત ગીત તથા સંગીત : રવિ ઉપાધ્યાય
Posted in ગીત - અંબાભક્તિ | Leave a Comment »
Posted by Dr Jagdip Upadhyaya on May 26, 2007
મા રાં પિ ય ર ને પા દ રી યે રે ….. મારાં પિયરને પાદરીયે રે……ફૂલ્યો ફાલ્યો પીંપળો… ગામના તમામ પાપ પુણ્ય તણાં કામ એના દરિયાવ દિલમાં સંઘરતો કોડભરી કન્યા ચોખા ચંદન ચડાવતી, વંદન કરીને એની આરતી ઉતારતી
ડોલંતી ડાળ પર થઇને અસવાર નિત છેડે ગોવાળબાળ બંસરીના સૂર ગોળ ગોળ આંટી વીંટી કાચા રે સુતરની, કોઇ નારી આંટીઘૂંટી ઉકેલે અંતરની ગીત – સંગીત : રવિ ઉપાધ્યાય, ” ભવ ભવનાં ભેરૂ” નૃત્યનાટિકા (1965)માં તથા કોટ હિન્દુ સ્ત્રી મંડળ, પ્રેરણા મંડંળ જેવી અનેક સાંસ્કૃતિક મંડ્ળો અને શાળાઓ-કોલેજોની ગરબા સ્પર્ધાઓમાં સ્ટેજ પર 1960નાં દાયકામાં ભજવાયેલ.
Posted in ગરબો / ગરબી , ભવભવનાંભેરૂ-નાટયગીત | Leave a Comment »
Posted by Dr Jagdip Upadhyaya on May 26, 2007
ગી ત છું હું પ્રી ત નું ….
ગીત છું હું પ્રીતનું, ગીતનો તું સૂર છે
હોઠપ્યાલી લાખફૂલના, આસવોનો અર્ક છે
નેહભીની હું નજર છું,તું નજરનું નૂર છે
શ્વાસની સરગમ મહીં, એક મિલનની ધડકન ભરી
પ્રેમ-પથનો હું પ્રવાસી, તું ભૂમિ-અંકુર છે
શબ્દરચના: રવિ ઉપાધ્યાય પ્રકાશ ઉપાધ્યાય પ્રકાશ ઉપાધ્યાય કેતના શાહ
Posted in ગીત - પ્રણય ગીત | Leave a Comment »
Posted by Dr Jagdip Upadhyaya on May 24, 2007
શમાને પ્રીતિ સૂરજ સંગ
શમાને પ્રીતિ સૂરજ સંગ
શમા જલે સૂરજ આથમતાં
જલન છતાં મિલનાતુર અંતર
ગીત તથા સંગીત : રવિ ઉપાધ્યાય, “ભવ ભવનાં ભેરૂ” (1965) નૃત્યનાટિકામાંથી
Posted in ગીત - વિરહ ગીત | Leave a Comment »
Posted by Dr Jagdip Upadhyaya on May 24, 2007
આકાશવાણી મુંબઇ રેડીયો પરથી પ્રસારિત આ રચના માલતી જોશીના સ્વરમાં ગવાઇ હતી. આ રચના સાંભળવાં માટે અંહી ક્લીક કરશો.
vaad vina na chdto…
વાડ વિના ના ચડતો વેલો વાડ વિના ના ચડતો વેલો
પર્વતના શિખરનો પથ્થર શોભે છે ધરતીથી,
ક્યાંથી તપતો હોત સૂરજ, જો દિશા ન હોત ઉગમણી પા પગલી શીખવે મા ત્યારે બાળક ભરતો કૂદકો શબ્દરચના : રવિ ઉપાધ્યાય , સંગીત અને ગાયક : પ્રકાશ ઉપાધ્યાય
Posted in ગીત - પ્રેરણા ગીત | Leave a Comment »
Posted by Dr Jagdip Upadhyaya on May 21, 2007
હો સફ ળ તામાં સ બૂ રી.. .
હો સફળતામાં સબૂરી, સાધના અધૂરી ન હો ! જીન્દગીના લાખ ઝંઝાવાતના આઘાત શા ! હરકાર્યમાં એવી લગન હો, જે ટકે આખર સુધી જન્મથી મૃત્યુ લગી લાંબી સફર એ જીન્દગી ! રંગ બદલે માનવી કૈં કૈં જમાના સંગમાં ! હર પતનમાં હો ઉન્નતિ, પ્રસ્થાન પીછેહઠ મહીં સત્કર્મનાં બી વાવજે, છો ને મળે ફળ અન્યને સ્નેહી મટીને સ્વજન, દુ:શ્મન થાય તો યે શું ‘રવિ’ !
શબ્દરચના : રવિ ઉપાધ્યાય , સંગીત અને ગાયક: પ્રકાશ ઉપાધ્યાય
Posted in ...ગઝલ | 1 Comment »
Posted by Dr Jagdip Upadhyaya on May 20, 2007
જીવનનો રાહ……., શબ્દરચના : રવિ ઉપાધ્યાય, સંગીતકાર અને ગાયક : પ્રકાશ ઉપાધ્યાય
************************************
જીવ ન નો રા હ ….
જીવનનો રાહ તું સદા સુરેખ રાખજે, સ્પર્શે ન કોઇ ડાઘ, દેખરેખ રાખજે. વિચલિત ના થવાય સત્ય પંથથી કદી, નજરો સમક્ષ કર્મનો આલેખ રાખજે. ચંચળ સદા કહી છે આ માનવ મનોદશા, સ્થિરતાનાં મન-કિતાબમાં ઉલ્લેખ રાખજે. સ્વાર્પણનો બોધપાઠ તું સદાય શીખજે, સૂરજ-શશીની ટેક મીનમેખ રાખજે . જગની મલીનતા અને ખારાશ પી જજે, સાગર બનીને સેવાનો તું ભેખ રાખજે. આ જન્મ બોજ ના બન્યો કોઇનો કદી “રવિ”, મૃત્યુ પછીયે ના બને, એ વિવેક રાખજે શબ્દરચના: રવિ ઉપાધ્યાય, સંગીતકાર અને ગાયક : પ્રકાશ ઉપાધ્યાય
સાંભળવાં અહીં ક્લિક કરશો (ડેમો ઓડીયો રેકોર્ડીંગ ક્લીપીંગ) http://www.esnips.com/doc/fb6ac140-ab69-4475-b680-603224b2e8ca/Jeeva-no-rah-tu-sada
Posted in ...ગઝલ | 1 Comment »
Posted by Dr Jagdip Upadhyaya on May 17, 2007
રૂમઝૂમ પગલે ચાલ્યાં મા
રૂમઝૂમ પગલે ચાલ્યાં મા જગજનની જગદંબા…. (2) અંગે અંગે નવલ ઊમંગે સ્વાંગ સજી રૂપરંગે રંગે બિરદાળી મા બહુચર સંગે, આવે ગરબે રમવા મા…… જગજનની જગદંબા ….. રૂમઝૂમ મુખડું મલકે હૈયું હરખે, ઉરમાં અનુપમ આનંદ ઊમટે ગીત-સુધાની છોળો ઊછળે અવનિ પાવન કરવા મા……. જગજનની જગદંબા ….. રૂમઝૂમ
ગગનનો ગરબો શિર પર શોભે, ચંદ્ર સૂરજ બે દિવડા ઓપે, તારકપાવક ઝગમગ જ્યોતે, યુગાંધારાં હરવા…. મા……. જગજનની જગદંબા ….. રૂમઝૂમ
પગલે પગલે કુમકુમ ઢોળે નવજીવનનાં ફૂલડાં ફોરે કુંજનિકુંજે ગીતડાં ગુંજે, આશિષ-અમી પાથરવા મા……. જગજનની જગદંબા ….. રૂમઝૂમ
સૂરોનાં સહું સંકટ ટાળ્યાં, પાપીઓને પળમાં માર્યાં વિજયતણા જયનાદ ગજાવ્યાં, ખંડ ખંડ જય કરવા….. મા……. જગજનની જગદંબા ….. રૂમઝૂમ
ભવભવનાં મા બંધન તોડી, તવ ચરણે દે પ્રીતિ જોડી, વિનવે બાળ ‘રવિ’ કર જોડી, તારે ખોળે રમવા…. મા……. જગજનની જગદંબા ….. રૂમઝૂમ
કવિ : રવિ ઉપાધ્યાય, સંગીત : રવિ ઉપાધ્યાય, ગાયક : 1953માં Indian National Theatre (INT) દ્વારા આયોજીત ગરબા-ગરબીની રાજ્યસ્તરીય સ્પર્ધામાં શ્રી સત્યાવીસ સાબરકાંઠા નવદુર્ગા મંડળે રજૂ કરેલ આ અમરક્રુતિને શબ્દલાલિત્ય માટે પ્રથમ પારિતોષિક પ્રાપ્ત થયેલું. અનેક નવરાત્રિ મંડ્ળો અને માંડ્વીઓ અને મુંબઇની લોકલ ટ્રેનોનાં ભજન ગવાતાં ડ્બ્બાઓમાં આ ગરબી આજે પણ હોંશે હોંશે અને ભક્તિવિભોર થઇ ગવાય છે.
Posted in ગરબો / ગરબી | Leave a Comment »
Posted by Dr Jagdip Upadhyaya on May 16, 2007
……………………………………………………………………………………..
મારી કાચી કાયા કેરા કુંભે
મારી કાચી કાયા કેરા કુંભે, જનંનીએ પ્રગટાવ્યું રે….. મારા કાળજડાનું કોડિયું…. મારા અંધ હ્રદયનું બંધ બારણું, અંબાએ ઊઘાડ્યું રે માયાનું બંધન તોડિયું….. મારી ભવના ઘાટે, કંટક વાટે, ડગ ભરતો ને ઠોકર વાગે; શ્રધ્ધા શક્તિમાં જ ધરીને, દિવ્ય આશના શ્વાસ ભરીને… ઝુકાવ્યું મેં સાગરમાં ત્યાં, માએ પાર ઊતાર્યું રે…. મારું ડગમગ કરતું હોડિયું ….. મારી તિમિર ભરેલી દશે દિશામાં, પંથ ન સૂજે ઘોર નિશામાં; જનમ મરણના ઝંઝાવાતે, જાપ જપ્યા માના દિનરાતે; ઘોર તિમિર ઘનઘટા ગઇ ને જનનીએ ઝબકાવ્યું રે….. મારાં નવજીવનનું પરોઢિયું……. મારી શબ્દરચના: રવિ ઉપાધ્યાય, ગાયિકા : હંસા દવે, સંગીતકાર: દક્ષેશ ધ્રુવ , સ્વ. નંદલાલ ભૂતા ટ્ર્સ્ટ દ્વારા બાહર પાડેલ ‘ગરબાવલી’ અને ‘ચંડીપાઠ’ની કેસેટમાં સમાવિષ્ટ. નવરાત્રિ નિર્ઝણી અને ઉરના સૂર પુસ્તકમાં પ્રકાશિત
Posted in ગીત - અંબાભક્તિ | Leave a Comment »
Posted by Dr Jagdip Upadhyaya on May 15, 2007
કિસ્મતનો કરવૈયો : કવિ અને સંગીતકાર: રવિ ઉપાધ્યાય, ગાયક : પ્રકાશ ઉપાધ્યાય…
પ્રસ્તાવના માટે ક્લિક કરશો, પ્રવક્તા : ડો જગદીપ ર. ઉપાધ્યાય (ઓડીયો)
કિ સ્મ ત નો - ક ર વૈ યો
દૂહો : સરજનહાર વિના નહીં ખાલી એકે ઠામ… મેલ રે મૂરખ મન મિથ્યા વિચાર, હૈયામાં હોય તારે શ્રધ્ધા ને સાચ, તારાં કર્મોની એણે રાખી રે કિતાબ! વિષનાં અમૃત એને કરવાં છે સહેલ, રવિ ઉપાધ્યાય , ગાયક : પ્રકાશ ઉપાધ્યાય
Posted in ગીત - ભજન | Leave a Comment »
